Аўдыёкніга у фармаце mp3. Агульны час гучаньня 17:34:29. Пераклад з ангельскай Сяргей Шупа, чытае Валер Будзевіч. © & (p) BelTonMedia, 2007.

Джордж Оруэл — ангельскі пісьменьнік і публіцыст вядомы сваімі антыфашыстоўскімі й антыкамуністычнымі перакананьнямі.

У сатыры раману "Фэрма" Оруэл паказаў перараджэньне бальшавіцкіх прынцыпаў і праграмаў падчас і пасьля рэвалюцыі 1917 году. Жывёлы фэрмы "Мэнар" арганізуюць бунт пад споклічамі роўнасьці й справядлівасьці, выганяюць гаспадара-эксплюататара і бяруць гаспадарку ў свае рукі. Сьвіньні бяруць на сябе адказнасьць за кіраваньне фэрмай. Фэрмай цяпер кіруюць жывёлы, але іх парадкі ці нечым адрозьніваюцца ад людзкіх?

Раман "1984" — працягвае тэму "Фэрмы". Оруэл выявіў будучую сусьветную супольнасьць як татальны герархічны лад, пранізаны страхам і нянавісьцю. Менавіта ў гэтым рамане ўпершыню прагучала знакамітае выслоўе "Вялікі брат глядзіць на цябе", а таксама наватворы "дзьвюхдумства" альбо "думзлачынства".

Фрагмэнт раману"1984" можна праслухаць ніжэй.