Чытаньне вершаў, прысьвечаных кожнай літары альфабэту, на дыску чаргуецца са сьпевамі. На выпадак, калі ў вас няма магчымасьці паслухаць дыск разам з малым (едзеце, напрыклад, у аўтобусе), прадугледжана друкаваная чытанка. У ёй часткова зьмешчаныя вершы, што гучаць на дыску.

Кніга-гульня. Гістарычныя даведкі / аўт. тэксту Л. Рублеўская, П. Грынчанка; мастак У. Карман. – Мінск: Мастацкая літаратура, 2009. – 15 с.

Гэтая кніжка – вясёлы ды арыгінальны дадатак да азбук і буквароў. У ёй падаюцца амаль што ўсе формы і жанры дзіцячай паэзіі: вершы, песні, смяшынкі, каламбуры, скорагаворкі, чыстагаворкі, перакруткі, а таксама рознага кшталту загадкі. Як той казаў, з рога ўсяго многа – на ўсякі густ, і для навукі, і для забавы.

Гэтая кніга з літаратурнай спадчыны ўладальніка Ганаровага Міжнароднага дыплома імя Г. Х. Андэрсена, дзіцячага пісьменніка Васіля Віткі – своеасаблівы падручнік роднага слова, чароўнага, мілагучнага і шматфарбнага.