12 трэкаў / Агульны час гучаньня 51:39. © РСП, 2008. (р) БМАgroup, 2008.

Трэк-ліст:

1. Парыкмахерша
2. Жэншчыны
3. Бэйба-чу найт
4. Розавы закат
5. Аграгарадок
6. Бурэ
7. БРСМ
8. Бэйба-лэйба
9. Чупа-чупсы
10. Палюбіла гапара
11. Караоке
12. Манекеншчыца

+ буклет на 4 старонкі з тэкстамі песень і акордамі

Прэс-рэліз альбому
Старонка гурту ў Сеціве

Дзёня і Пашка пайшлі яшчэ далей за сваіх гуру – Сашу і Сірожу, давёўшы да поўнага абсурду спосаб мысленьня і асаблівасьці маўленьня паасобных прадстаўнікоў тутэйшага грамадства. Пяецца ад асобы простага сэнтымэнтальнага хлопца. Па-сутнасьці гэта ўсё той жа герой першых песень Сяргея Міхалка – блазнаваты няўрымсьлівы юнак зь сумнымі глазамі – які апынуўся ў новых абставінах і стаўся ахвярай дзяржаўнай ідэалёгіі. Цяпер, каб прыцягнуць дзявочую ўвагу, ён ня толькі купляе жуйкі, але і абвешваецца "бээрсээмаўскімі" значкамі ("Я буду прыгаць і громка звінець, ведзь у значках зашыбенная медзь" – шык!).

Немудрагелістыя рыфмоўкі "пацанаў" запамінаюцца зь першага разу і назаўжды. Дагэтуль помніцца адзін зь першых іх гітоў, які так і ня быў запісаны – "Ты мне не званіш, не тэлефануеш – рэўнуууеш":). Пры ўсім гэтым гурт не пайшоў на наўмысную прымітывізацыю сваёй музыкі, як тое часта бывае з "трасянкавымі" выканаўцамі, а наадварот пашырыў стылістычныя межы. Дзёня часам ные, як той Стыў Тэйлар, а Пашка з сваёй флейтаю дае чаду, не раўнуючы, як Ян Андэрсан :). На "Розавым закаце" чуем водгукі французскай музыкі 70-х, дыска 80-х і року 90-х. Во яны – сапраўдныя героі беларускага "Камэдзі"! Але для белТВ занадта сьмешна яны жартуюць.

Сяргей Будкін

Іншыя рэцэнзіі на альбом гурту "Разьбітае сэрца пацана" Rozavy zakat.

Фрагмэнты трэкаў "Жэншчыны" (1), "Розавы закат" (2) і "Аграгарадок" (3) можна праслухаць ніжэй.