Ранак напярэдадні Бітвы пад Воршаю (Аршанская бітва) 8 верасня 1514 году.
Мастак Мікола Купава.

У гэты дзень адбылася найбуйнейшая бітва вайны Маскоўскай дзяржавы зь Вялікім Княствам Літоўскім 1512 —1522 гадоў паміж літоўскім і маскоўскім войскамі на рэчцы Крапіўне, за 5 км ад Воршы.

Аршанская бітва — адна з найбуйнейшых бітваў на тэрыторыі Эўропы ў пачатку XVI стагодзьдзя. Перамога ў ёй дала Вялікаму Княству Літоўскаму магчымасьць вярнуць захопленыя супраціўнікам Дуброўна, Амсьціслаў і Крычаў. Пасьля бітвы да 1518 году не адбывалася ўварваньня на Беларусь маскоўскіх войскаў (за выняткам асобных набегаў).

У наш час перамога пад Воршай разглядаецца як адна зь першых у шэрагу трыюмфаў беларускае зброі — Сінія Воды, Грунвальд, Кірхольм, бітва пад Клецкам.