Набор складаецца з інструкцыі па складанні замка, разгорнутай мадэлі замка на 3-5 старонках А4, гістарычнай даведкі, а таксама сувенірнага магніціка ў падарунак!

Распрацоўка, дызайн – Ігар Адасік, гістарычная даведка – Ксенія Адасік, каардынатар праекта Дзмітрый Кіенка.

Мірскі замак – адзін з першых каменных прыватных замкаў Вялікага Княства Літоўскага.

Мірскі замак – адзін з першых каменных прыватных замкаў Вялікага Княства Літоўскага. Легенда і адна з пярлінаў беларускага дойлідства!

Замак пачынаў будавацца ў XVI ст. у гатычным стылі Юрыем Іллінічам. Пазней, калі ён перайшоў у валоданьне ўплывовага роду Радзівілаў, да яго сцен прыбудавалі вялікі палац з багатым унутраным афармленнем, а вакол насыпалі высокія земляныя валы з чатырма бастыёнамі. Побач заклалі «італьянскі» сад , выкапалі ставы, стварылі фальварак і звярынец. Падчас шматлікіх войнаў замак разбураўся, адбудоўваўся і зноў разбураўся . А напрыканцы XVIII ст. ён увогуле прыйшоў у заняпад.

Значную частку сваёй пяцісотгадовай гісторыі Мірскі замак прастаяў у запусценні, прыцягваючы да сябе ўвагу аматараў старажытнасцяў.

Пасля Першай сусветнай вайны, дзякуючы намаганням князя Святаполк-Мірскага, пачалося аднаўленне старажытных сцен. Але новая вайна прынесла яшчэ большыя страты.

Замак быў узяты пад ахову дзяржавы. Пачаліся рэстаўрацыйныя працы палацава-замкавага комплексу ў Міры. На дадзены момант гэта адзін з найбольш значных помнікаў архітэктуры Беларусі.