Ад Смаленску да Вільні. Вайна Pэчы Паспалітай з Масквой (1654-1655 гг.). Конрад Бабятынскі, перакладчык Антон Кузьміч, Інстытут Беларусістыкі — Беласток, 2010. — 504 с.

ISSN 1392-9682

Кніга Конрада Бабятынскага прысвечаная гісторыі ваеннага канфлікту, у выніку якога ўвосень 1655 г. амаль усю тэрыторыю Вялікага Княства Літоўскага разам з ягонай сталіцай Вільняй занялі войскі маскоўскага цара Аляксея Міхайлавіча. Гэта быў першы этап вялікай вайны, якая працягвалася ў 1654—1667 гг. і завяршылася толькі Андрусаўскім замірэннем 31 студзеня 1667 г.

Ваенныя дзеяньні 1654-1655 гадоў вяліся галоўным чынам на тэрыторыі полацкага, віцебскага, менскага, наваградзкага і берасьцейскага ваяводзтваў. Іх распачала аблога разьмешчанага каля межаў сеньняшняй Беларусі Смаленску. Найважнейшыя бітвы летняй 1654 году і зімова-веснавой кампаніі 1655 году разыграліся на Дняпры і Друці — спачатку пад Шкловам і Шапялевічамі, а потым пад Новым Быхавам і Магілёвам. Агонь вайны не пашкадаваў таксама іншых важных беларускіх гарадоў — Полацку і Віцебску, Менску і Наваградку, Слуцку і Старога Быхава.

ЗЬМЕСТ

Уступ

Разьдзел I. На парозе вайны

Разьдзел II. Летняя кампанія 1654 г. Бітва пад Шкловам і Шапялевічамі

Разьдзел III. Аблога і падзеньне Смаленску

Разьдзел IV. У цяні паразы. Аднаўленьне літоўскай арміі пасьля Шапялевічаў

Разьдзел V. Паміж каралём і гетманам. Унутраны канфлікт у Літве ў другой палове 1654 г.

Разьдзел VI. Пачатак зімовага кантранаступу. Аблога Новага Быхава

Разьдзел VII. Бітва за Магілёў

Разьдзел VIII. Бітвы на Дзьвіне і на левым беразе Дняпра

Разьдзел IX. Летняя кампанія 1655 г. Страта Вільні

Заключная частка

Дадаткі

Дадатак I. Армія Вялікага Княства Літоўскага ў летняй кампаніі 1654 г.

Дадатак II. Кампут дывізіі левага крыла літоўскай арміі — Восень 1654 г.

Дадатак III. Літоўская армія на парозе зімова-веснавой кампаніі 1655 г.

Дадатак IV. Дапаможны корпус Кароны на тэрыторыі Вялікага Княства Літоўскага ў 1654—1655 гг.

Бібліяграфія

Конрад Бабятынскі (нарадзіўся ў 1977 г. у Варшаве) — выпускнік Гістарычнага інстытуту Варшаўскага ўніверсітэту (2001); кандыдат гістарычных навук (2006). Зь лістапада 2006 — дацэнт аддзялення мадэрнай гісторыі Гістарычнага інстытуту Варшаўскага універсітэту. Аўтар кніг «Ад Смаленску да Вільні. Вайна Pэчы Паспалітай з Масквой 1654-1655», a таксама «Міхал Казімер Пац — ваявода віленскі, гетман вялікі літоўскі. Вайскова-палітычная дзейнасьць» (Варшава, 2008). Выдаў некалькі дзясяткаў навуковых артыкулаў. Стыпэндыят Фонда польскай навукі (2005, 2006, 2010) і DAAD (Бэрлін, 2007). Займаецца гісторыяй Вялікага Княства Літоўскага ў XVII ст., гісторыяй старапольскай вайсковай справы (XVI-XVII ст); адносінамі Рэчы Паспалітай з Масквой у другой палове XVII стагодзьдзя