Вершы. – Мінск: Логвінаў, 2011. – 48 с. – (Галерэя "Б").

ISBN 978-985-6991-40-3

У кнізе – вершы і малыя паэмы, напісаныя ў 2003 – 2011 гг. Збольшага – непасрэдныя і ўскосныя эксперыменты ў міфапаэтыцы, самаробныя легенды, самаствораныя паданні і самаадчутыя повязі, спробы засяліць змрок вакол чалавечага жылля – згодна з уласным густам і дзеля агульнай карысці

ЗМЕСТ

Прысвячэнне Гельвію Цыне
Корамлі-дэлл
Брацец сон і сястрыца смерць
Простае восеньскае рандо
Зямля
Ваданяткі
Кастрычнік
Відымін
Навальніца
Вігінтуна
Балотны агеньчык
Гінвіл
Ступені
Снежань
Рака
Identité
Чароўны народ
Верасень
Сурвіла
Смуга
Сумны рандэль
Песня пра святога Марціна
Цені
Жалуды

Гольша
Гедрус

Каментары

Identité

Я блукаў калідорамі дзіўнага замку. Прывіды
То ўзьнікалі раптоўна, то ў цемру зьбягалі скарэй
Ад мяне, і цяжарам трывогі, тугі ды агіды
Напаўнялі мяне галасы з-за бясконцых дзьвярэй.

Ды чужыя партрэты сачылі мяне з высакосьці,
Зь незнаёмых крукоў на чужой незнаёмай сьцяне.
Я цягаўся па замку ды ўпарта шукаў там кагосьці,
Выгукаючы словы, што значылі толькі мяне.

Антон Францішак Брыль – беларускі перакладчык і паэт. Унук Янкі Брыля. Перакладаў творчасьць Ўільяма Батлера Ейтса, Гая Валерыюса Катула, Джона Толкіна, Сюзаны Кларк і інш. Сярод найбуйнейшых перакладзеных твораў – стараангельская паэма "Бэўвульф".

Артыкул пра аўтара ў Вікіпедыі.