Казанне-казачка пра майстра слыннага Рукшу і пра тое, як змайстраваў ён коніка незвычайнага Грыўку. Выданне шыкоўна ілюстраванае, казка па матывах беларускай міфалогіі.

У кнізе сабраны казкі сучасных беларускіх аўтараў на беларускай і рускай мовах. Іх тэматыка вельмі разнастайная, a героі — не толькі звычайныя казачныя персанажы — людзі, звяры і птушкі, — тут ёсць і прыдуманыя, фантастычныя істоты, добрыя і злыя. Чытача чакаюць цікавыя падарожжы, прыгоды і адкрыцці. Творы вызначаюцца пазнавальным зместам, прасякнуты любоўю да нашай Бацькаўшчыны, прыроды, падсветлены гумарам, цёплай усмешкай.

Аўдыёкніга складаецца з беларускіх народных казак (літаратурная апрацоўка казак — Якуб Колас і Алесь Якімовіч) у выкананні Народнага артыста Беларусі Віктара Манаева і цудоўным музычным афармленні.

«Падарунак ад усяго сэрца» — зборнік, у якім прадстаўлены ўзоры казачнай творчасці славянскага свету. Казкі, змешчаныя ў кнізе, вучаць дабрыні, сумленнасці, любові да ўсяго жывога, павазе да старэйшых. Выданне багата ілюстравана.