Снежны чалавек. / Эва Суса, Бенжамэн Шо ; Пераклад са шведскай Алесі Башарымавай. — Мінск : Юніпак, 2013. — 26 с. : іл. — (Бібліятэка Саюза беларускіх пісьменнікаў “Кнігарня пісьменніка”. Падсерыя “Каляровы ровар” ; вып.1). — Вялікі фармат, цвёрдая вокладка.

ISBN 978-985-6802-56-3

Толькі на Prastora.by! Асобнікі з аўтографам, сонейкам і сардэчкам ад швэдзкае пісьменьніцы для дзетак і аўтаркі кнігі — спадарыні Эвы Суса!

Першая кніга з малюнкамі серыі "Каляровы ровар" — “Снежны чалавек” Эвы Сусы ў перакладзе са шведскай Алесі Башарымавай пабачыла свет у выдавецтве “Юніпак”.

Простая і мілая гісторыя сяброўства двух братоў Уна і Макса са снежным чалавекам аздобленая мастаком Бенжамэнам Шо. Кніга мае вялікі фармат і добрую паліграфію.

Дарэчы, каб знайсці ўдалую назву для серыі, яе заснавальнікі звярнуліся па дапамогу падпісчыкаў старонак СБП у сацыяльных сетках. Назву “Каляровы ровар” прапанавала перакладчыца Паліна Маслянкова. У падзяку яна атрымала адзін з асобнікаў новай кнігі.

Кажуць, Снежны чалавек жыве ў Гімалаях.

Але ўяві: што, калі ён жыве зусім побач у якой-небудзь пячоры?

А што, калі ён жыве там не адзін?

Макс і Уна каталіся на сноўбордзе і заблукалі.

I як ты думаеш, каго яны сустрэлі?

Чытай пра іх захапляльныя прыгоды ў заснежаных гарах!

Гэтую кнігу стварылі: Эва Суса – аўтар некалькіх шырока вядомых у Швецыі серый кніг для дзяцей і падлеткаў. Бенжамэн Шо – адзін з самых папулярных ілюстратараў дзіцячых кніг у Францыі.