Пер. з англ. мовы Т. Нядбай (Т. Л. Нетбаева). – Мінск: Медысонт, 2009. – 382 с.

ISBN 978-985-6887-53-9

Кніга Эвы Томпсан уяўляе сабой аналіз імперскага дыскурсу Расіі з перспектывы посткаланіяльнай тэорыі. Аўтарка аналізуе расійскі нацыяналізм, прапісвае спецыфіку заходняга і ўсходняга каланіялізму, падкрэсліваючы іх агульную прыроду. Прасочваецца зараджэнне і станаўленне Імперыі ў расійскай гістарыяграфіі XVIII ст. і літаратуры ХІХ-ХХ стст., у савецкім літаратуразнаўстве і прэсе, а таксама звяртаецца ўвага на постсавецкую гістарыяграфію і літаратуру. Гэта першае даследаванне расійскага дыскурсу, якое не залежыць ад расійскіх самаінтэрпрэтацыяў.

ЗМЕСТ

Уводзіны: Нацыяналізм, Каланіялізм, Ідэнтычнасць

1. Праблема
Гістарычная геаграфія Расіі
Посткаланіяльныя перспектывы Расіі
Самарэпрэзентацыя Расіі

2. Нараджэнне Імперыі
Наратыў Каўказа
Рытарычнае засваенне Польшчы

3. "Война и мир": кшталтаванне новага падставовага міфа расійскай нацыянальнай свядомасці
Краявід і стабільнасць
Літаратурныя героі і гістарычныя асобы

4. Наратыў Сярэдняй Азіі ў расійскай літаратуры
Каланізацыя Сярэдняй Азіі
Рыторыка адчужэння Аляксандра Салжаніцына

5. Цяга да імперыі ў позні савецкі перыяд
Валянцін Распуцін: Выдаленне галасоў перыферыі
Анатоль Рыбакоў: Падтрымліваючы каланіяльную палітыку
Рытуалы ўшанавання імперыі

6. Навука і імперыя. Імперская ідэалогія ў савецкім літаратуразнаўстве: Віктар Шклоўскі і Дзмітрый Ліхачоў
Самаінтэрпрэтацыя ў гады сталінска-гітлераўскага пакта
Выкладанне гісторыі ў посткамуністычнай Расіі

7. Дэканструкцыя Імперыі: Людміла Петрушэўская

Выбраная бібліяграфія

Цягам апошніх стагодзьдзяў расейская літаратура ўплывала на фармаваньне сьветапогляду беларусаў куды больш маштабна, чым якая яшчэ, у тым ліку і беларуская. Да таго ж сьветапоглядна беларуская літаратура капіявала матрыцы расейскай літаратуры. Кніга амэрыканскай дасьледніцы Эвы Томпсан – гэта акадэмічная манаграфія, якая сыстэмна і грунтоўна даводзіць, што вялікая расейская літаратура была (і застаецца) каляніяльнай па сваёй сутнасьці. (Валянцін Акудовіч)

Падрабязьней пра кнігу "Песняры імперыі: расійская літаратура і каланіялізм" тут.