Лістапад 1917 – студзень 1919 г. / Мінск: Беларуская навука, 2009. – 208 с.

ISBN 978-985-08-1016-8

Кніга прысвечана важнай праблеме – паказу месца і ролі Брэсцкага міру 1918 г. у гісторыі грамадска-палітычнага жыцця Беларусі, і ў першую чаргу яго ўплыву на развіццё працэсаў дзяржаўнага будаўніцтва і нацыянальна-дзяржаўнага самавызначэння беларускага народа. Храналагічныя рамкі даследавання ахопліваюць час з лістапада 1917 г. да канца студзеня 1919 г. – ад пачатку перагавораў аб заключэнні “салдацкіх міроў” на расійскім Заходнім фронце Першай сусветнай вайны 1914 – 1918 гг. да аб’яднання Сацыялістычнай Савецкай Рэспублікі Беларусі з Савецкай Рэспублікай Літвы ў адзіную Літоўска-Беларускую ССР.

Работа напісана на падставе вялікай колькасці крыніц і літаратуры, стварае комплексную карціну грамадска-палітычнага жыцця Беларусі ва ўмовах складвання, дзеяння і распаду Брэст-Літоўскай сістэмы міждзяржаўных адносін на Усходзе Еўропы, а таксама афармлення новай геапалітычнай рэальнасці, звязанай з пачаткам польска-савецкага ваеннага канфлікту.

Прызначаецца для вучоных, выкладчыкаў, студэнтаў і ўсіх, хто цікавіцца гісторыяй Беларусі.

ЗМЕСТ

Уводзіны

Глава 1. Грамадска-палітычнае становішча ў Беларусі падчас мірных перагавораў у Брэсце
1.1. Заключэнне перамір’я на Заходнім фронце
1.2. Перагаворы аб міры ў Брэст-Літоўску
1.3. Брэсцкая канферэнцыя і становішча Беларусі

Глава 2. Уздзеянне Брэсцкага міру на грамадска-палітычныя працэсы ў Беларусі
2.1. Усталяванне германскага акупацыйнага рэжыму і адносіны да яго насельніцтва Беларусі
2.2. Абвяшчэнне Беларускай народнай рэспублікі і спробы дзейнасці яе органаў ва ўмовах нямецкай акупацыі
2.3. Дадатковы савецка-нямецкі дагавор і пачатак зыходу акупантаў з тэрыторыі беларусі

Глава 3. Уплыў скасавання Брэсцкага міру на развіццё палітычных працэсаў у Беларусі
3.1. Новая грамадска-палітычная сітуацыя на беларускіх землях
3.2. Стварэнне Сацыялістычнай Савецкай Рэспублікі Беларусі і пазіцыя мясцовых палітычных сіл

Заключэнне
Дадатак. Дакументы з фондаў Нацыянальнага архіва Рэспублікі Беларусь
Літаратура