11 трэкаў + відэакліп "Африка" / Агульны час аўдыё 51:57. Працягласьць відэа 03:55. © beZ bileta, ТДА "Вестрекордс-плюс", 2009. (р) beZ bileta, ТДА "Вестрекордс-плюс", 2009.

Трэк-ліст

1. Африка
2. Антициклон
3. 1:1
4. Страна приливов
5. Давай останемся
6. Танцуй
7. Сияние
8. По ветру
9. Желтые светофоры
10. Красному диску солнца (feat. Сергей Михалок)
11. Странная жизнь (bonus)
Відэабонус:
12. Африка (кліп)

+ буклет на 12 старонак з тэкстамі песень і фотаздымкамі ўдзельнікаў калектыву

Афіцыйны сайт гурту: www.bezbileta.net

Прыемна канстатаваць факт, што ў Беларусі шмат "лепшых" гуртоў, якія выдаюць свае "лепшыя" альбомы. Вось такі лепшы гурт "Без Білета" выдаў свой лепшы летні альбом "Афрыка".

Такая "Афрыка": цалкам пазітыўная, танцавальная, смелая, часам задуменная і філасофская. "Безбілетная Афрыка" складаецца з 10 арыгінальных уласна "афрыканскіх" твораў, летняга бонуса "Странная жизнь" і "афрыканскага" кліпа, знятага, напэўна, у раёне Сухарава і Мінскага мора.

У канцэптуальным сэнсе "Афрыка" – найбольш зразумелы альбом "Без Білета": Віталь Артыст інтуітыўна адчуў свае глыбокія афрыканскія карані і злучыў з імі сваё беларускае сучаснае. Атрымалася добра – лёгка, проста, празрыста і якасна.

"Афрыка" ад Віталя Артыста – гэта не геаграфічная кропка свету, а, перш-найперш, лета, цеплыня ўнутры цябе і наўкол… Афрыка, як стан душы і сэрца, сон і ява свядомасці. А яшчэ – мара, на крылах якой можна лунаць, дзе заўгодна, абляцець увесь свет... (Паводле Эўрапейскага радыё для Беларусі)

Падрабязьней пра альбом "Africa" тут або тут.

Фрагмэнт трэку "Африка" можна праслухаць ніжэй.